1948-yil 18-fevralda Nitssada (Fransiya) tashkil topgan Xalqaro harbiy sport kengashi (CISM) dunyodagi eng yirik koʻp tarmoqli tashkilotlardan biri hisoblanadi. CISM 142 aʼzo davlat qurolli kuchlari uchun turli sport tadbirlarini tashkil etadi va eng koʻp sport turlarini ifodalovchi xalqaro sport tashkilotlari qatoriga kiradi.

CISM missiyasi: “Askarlar oʻrtasidagi doʻstlikni qoʻllab-quvvatlagan holda, CISM jahon miqyosidagi xalqaro harbiy-sport tashkiloti boʻlib, sport tadbirlari orqali barcha mamlakatlar qurolli kuchlari shaxsiy tarkibini birlashtirishga, shu orqali qurolli kuchlarning jismoniy tayyorgarligi, jangovar tayyorgarligi va tarbiyasini rivojlantirishga qaratilgan”.

19 va 20-avgust kunlari O‘zbekiston – Samarqand shahrida CISM triatlon poygasi bo‘lib o‘tadi.

Sportchilar SPRINT masofasida individual va jamoaviy musobaqalarda qatnashadilar.

Elita va katta toifadagi sportchilar yakka tartibdagi bahslarda qatnashadilar. Ular 750 metrga suzish, 19 kilometrlik velosiped va 5 kilometrga yugurish bo‘yicha musobaqalashadilar.

Umumjamoa hisobida to‘rt nafar jamoa a’zolari triatlon bo‘yicha 300 metrga suzish, 6 kilometrga velosipedda yurish va 1620 metrga yugurish musobaqalarini bosib o‘tadi. G'oliblar umumiy vaqtga qarab aniqlanadi.